有《足球小將》作者高橋陽一「加持」擔任後援會會長嘅東京地區球隊南葛SC，星期日同神奈川球隊東邦Titanium上演咗一場「南葛對東邦」嘅夢幻對決，可惜南葛未能夠複製《足球小將》入面嘅情節咁擊敗對手，今場以0:1飲恨無緣升班。南葛只要喺「關東社會人大會」殺入決賽就可以升班到關東聯賽，球隊有多位前職業球員同埋前日本國腳福西崇史在陣，隊中嘅巴西前鋒洛迪高仲係地區聯賽神射手，所以球隊喺地區聯賽嘅實力都算係超班，有日本網民仲形容佢哋係「地區銀河鑑隊」㖭。
不過南葛今場踢起上嚟就唔係太順喇，隊中嘅星級球員福西崇史就因為侵犯對手被罰黃牌，之後東邦仲喺上半場一次禁區混戰入面射入一球，最後南葛只能夠以0:1飲恨，暫時仲未可以升班。
