噚日凌晨12點幾，有架白色平治喺屯門青田路飛馳，揸到想飛咁，見到警車仲加速㖭，喺青田路高速轉入屯門公路向元朗方向駛去，新界北交通部警察見可疑於是跟住架車亮警號燈示意司機停車。但司機繼續加速轉入青山公路，其間多次U turn，出九龍、入元朗、又出九龍，雙方追逐15公里，有駕駛人士嘅車Cam拍到當時兩車追逐場面。
時速高達160公里
可疑平治沿路衝燈、切雙白線、逆線行車同喺單程路褪尾，時速高達160公里，去到青山公路往九龍方向近屯盛街嘅燈位，仲試圖撞開前面3架停燈等候嘅車，最終失敗爆咗胎，司機落車逃跑，喺屯門巿廣場對開俾警察制服。
當時停喺快線嘅LAND ROVER、福士Golf同埋慢線平治，3架車分別尾擔被撞甩、倒後鏡損毀、車尾撞凹。駕駛平治停燈位嘅姓黃司機載住太太，佢話見到當時有兩部警車追住一架白色平治，白色平治想撞開啲車逃走結果失敗，搞到黃太chok親頸要送院檢查。
被捕43歲司機姓柯，警察發現佢架車嘅行車證已過期，出動警犬搜車，結果搵到兩包冰毒、一個電子磅、一批毒品包裝工具、一支仿製手槍同埋一支伸縮警棍。
唔單止咁，司機仲收埋4張人哋嘅身份證，警察亦都揭發佢原來係通緝犯，涉及違反感化令。最後警察以涉嫌瘋狂駕駛、販毒、藏有攻擊性武器、藏有仿製槍械、管有他人身份證及發現通緝人士6宗罪，將佢拉咗返差館調查。行動中有一個警察隻手受咗傷，但佢就拒絕送院。
爆相爆片
爆相畀$500、爆片送$1,000嘅基本獎賞外，仲會選出每周之星，每星期最高單日總點擊頭5名即刻科水$10,000，而每月15號至翌月14號期間獲得全月最高單日總點擊者，更可以成為每月盟主，額外獎賞$100,000，係$100,000！爆相爆片必須為本報獨家採用，一經刊登立即有獎！
爆相爆片WhatsApp：6383 6568
參加細則
1.爆相爆片必須由參加者拍攝。
2.若本報發現任何造假情況，將取消其參賽資格。
3.壹傳媒集團員工及親屬不可參加。
4.本報會保留採用爆相爆片與否和獎項分配的一切權利，如有任何爭議，以本報決定為準。