【馮仁昭四圍超】蘇慧恩開騷籌錢防虐老

【馮仁昭四圍超】蘇慧恩開騷籌錢防虐老

蘇慧恩噚日喺深水埗舉行記招,宣佈下月初舉行慈善音樂會,收益扣除開支後,會撥捐香港防止虐待老人協會。

蘇慧恩話不時打開報紙見到虐待老人、兒童等家暴新聞,搞到佢好想出點綿力幫助有需要嘅人,佢話:「我由婆婆湊大,我出世時條頸俾人扭歪,所以婆婆每星期都要孭我兩次,去健康院做物理治療,我哋感情好好,𠵱家我都成日帶佢出街食飯。」
撰文:馮仁昭