啱啱嗰個星期日晚，有澳門居民喺觀塘搭「港澳一號」直通巴返澳門嘅時候，發現司機揸車玩手機，估唔到同類事件並唔係一單半單，差唔多兩個月之前喺皇崗巴士都有發生，乘客覺得有需要講出嚟正視吓。陳先生喺9月9號搭皇崗巴返荃灣，沿途就見到個司機不停用手機通訊軟件同人傾偈，其間個司機只係用前臂控制軚盤。
陳先生話嗰日下晝兩點，佢搭皇崗巴士返荃灣，當時全車差唔多爆滿，有成50個乘客，佢話初時都冇為意㗎，直到架巴士入大欖隧道之前，就發現個司機不斷玩手機，唔知個司機之前玩咗幾耐，陳先生於是就用手機影低當時嘅情況。
曾向站頭職員反映
從陳先生提供嘅片段可以見到，個司機一直揸住部手機，用通訊軟件同人傾偈，佢一時打字回覆對方，一時又撳住手機錄語音，其間係兩隻手攞住部手機，只係用前臂壓住個軚盤。陳先生話由入大欖隧道到返到荃灣，差唔多20分鐘車程，個司機都係咁樣一直玩手機。
雖然當日係星期日，假日路面冇乜車，但陳先生始終覺得個司機咁樣揸車好危險，因為架直通巴士喺直路都開得幾快，車上有啲乘客又瞓咗覺，萬一有乜事就唔知點算嘞。佢話之後都有同站頭職員講返件事，但就冇人回覆過佢。
小記向營運呢條線嘅中港直通巴士有限公司營運經理梁先生查詢呢件事，佢都好緊張，話冇收到投訴，可能站頭同事知道後就咁同司機講番都唔定，公司會了解事件，如發現真有其事，一般會先作口頭警告，如同一司機再被投訴，唔排除會解僱個司機。
爆相爆片
爆相畀$500、爆片送$1,000嘅基本獎賞外，仲會選出每周之星，每星期最高單日總點擊頭5名即刻科水$10,000，而每月15號至翌月14號期間獲得全月最高單日總點擊者，更可以成為每月盟主，額外獎賞$100,000，係$100,000！爆相爆片必須為本報獨家採用，一經刊登立即有獎！
爆相爆片WhatsApp：6383 6568
參加細則
1.爆相爆片必須由參加者拍攝。
2.若本報發現任何造假情況，將取消其參賽資格。
3.壹傳媒集團員工及親屬不可參加。
4.本報會保留採用爆相爆片與否和獎項分配的一切權利，如有任何爭議，以本報決定為準。