噚日係一年一度嘅Halloween，又係扮鬼扮馬嘅時候，中環蘭桂坊一帶早幾晚已經好熱鬧，個個都鬼火咁靚，好有誠意！不過扮還扮都要守法，咪好似擺花街呢班後生仔女咁，連人哋舖頭門口嘅盆栽都偷埋，就真係太過份喇！
擺花街1號10樓一間美容中心，職員大前日朝早返工嗰陣發現一直擺喺電梯口嘅一棵荷蘭森樹盆栽唔見咗，翻睇閉路電視，發現喺周日凌晨3點左右電梯門曾經打開，一個男人行出𨋢口將盆栽抱走。職員之後問管理處翻睇電梯入面嘅閉路電視，見到當時有7個後生男女包括外籍人士喺3樓入𨋢，個個人都一身萬聖節裝束，巫婆、青蛙、熊人嘅造型好有心思，估計係參加完party離開。
負責人嬲爆：種咗好多年
可能佢哋飲到好high冇㩒𨋢，其中有人唔覺意撞到10樓𨋢掣，部𨋢上咗10樓，着住熊人衫嘅男人竟然行出𨋢偷走盆栽，咦！就咁睇，有啲似《這個殺手不太冷》男主角Leon或者《回魂夜》周星馳喎。
美容中心負責人何先生講起件事仲係嬲嬲豬，佢話盆栽係風水同裝飾用途，希望生意興隆，價值約3千蚊，幾年前開業一路擺到𠵱家，「見佢（賊人）攞住盆嘢喺𨋢度撩佢啲朋友，好似好過癮咁，嗰盆嘢我種咗好多年㗎喇，見到真係心都痛埋！」何生話職員曾經喺大廈附近搵過，都唔見盆栽嘅蹤影，「玩還玩，happy唔應該搞到人哋啲嘢吖嘛，唔好單睇一棵咁簡單嘅植物，人哋真係擺咗好多年心血落去，呢啲係有錢都買唔返！」何先生噚日已經向警方備案。
爆相爆片
爆相畀$500、爆片送$1,000嘅基本獎賞外，仲會選出每周之星，每星期最高單日總點擊頭5名即刻科水$10,000，而每月15號至翌月14號期間獲得全月最高單日總點擊者，更可以成為每月盟主，額外獎賞$100,000，係$100,000！爆相爆片必須為本報獨家採用，一經刊登立即有獎！
爆相爆片WhatsApp：6383 6568
參加細則
1.爆相爆片必須由參加者拍攝。
2.若本報發現任何造假情況，將取消其參賽資格。
3.壹傳媒集團員工及親屬不可參加。
4.本報會保留採用爆相爆片與否和獎項分配的一切權利，如有任何爭議，以本報決定為準。