軍裝警員公然喺警車上大覺瞓!讀者黃先生噚日朝早11點幾喺葵涌麗瑤邨一個停車場落貨,見到一架警方私家車停咗喺度,車上面有兩個軍裝警察喺度瞓覺,仲瞓到頭都歪晒好熟睡,佢覺得兩個警察當更期間蛇王太過份。
目擊者:瞓成咁仲得了?
黃先生話,現場係麗瑤邨東華三院高可寧紀念小學地下一個停車場,佢揸車去到落貨嗰陣,見到角落位有架警方私家車泊咗喺度,司機位個警察戴住黑超,個頭歪晒,佢隔籬乘客位另一個警察亦都瞓緊覺。黃先生前後停留咗5分鐘,見到乘客位個警察曾經醒過,擘大眼望一望跟住又瞓過,直至佢走兩個警察都未起身。
「當值緊都瞓成咁,仲得了?」黃先生之後將影低嘅相上載去fb專頁。小記都去現場了解過,嗰度屬於房屋署範圍,嗰個停車場交畀外判公司管理,大約得8個車位,4個係預留小學用嘅,其餘係以月租形式租畀附近居民。所以,嗰度除咗小學嘅師生同月租車主會經過,平時都好少人會專登過去,算係寧靜。
有人仲同小記講,間唔中都見到有警車停喺度,但阿sir係唔係執行緊任務就唔知嘞,點敢過問吖!據了解,嗰兩個警察隸屬葵涌分區巡邏小隊,分區指揮官知道事件之後,已經即刻召佢哋返差館作紀律調查。
警方回應指,已知悉有關事件,並正跟進調查。警方強調非常重視人員紀律,定必嚴正處理。倘屬輕微違紀行為類別,一般會書面警誡違紀者。
爆相爆片
爆相畀$500、爆片送$1,000嘅基本獎賞外,仲會選出每周之星,每星期最高單日總點擊頭5名即刻科水$10,000,而每月15號至翌月14號期間獲得全月最高單日總點擊者,更可以成為每月盟主,額外獎賞$100,000,係$100,000!爆相爆片必須為本報獨家採用,一經刊登立即有獎!
爆相爆片WhatsApp:6383 6568
參加細則
1.爆相爆片必須由參加者拍攝。
2.若本報發現任何造假情況,將取消其參賽資格。
3.壹傳媒集團員工及親屬不可參加。
4.本報會保留採用爆相爆片與否和獎項分配的一切權利,如有任何爭議,以本報決定為準。