周汶錡、中田英壽、較少現身的「亞洲糖王」郭鶴年大女郭惠光、林建岳女兒林心兒、林恬兒和老公、潘迪生女兒潘楚穎、陳柏熹和父母等，前晚在紅磡出席有關設計的籌款晚宴。周汶錡的兩個囝囝越大越可愛，她在Ig上載囝囝萬聖節打扮，大仔Jacques扮吸血鬼超得意，周汶錡說：「好簡單啫，斗篷加假牙仔，老公仲叫我幫佢哋gel頭。」
細仔驚見骷髏頭
周汶錡指囝囝去年都扮過，對萬聖節有些印象，所以玩得很開心：「佢哋問人拎糖，但細佬好驚，因為見到人哋有骷髏頭，嚇到係咁叫媽咪，但細仔拎糖拎得多過阿哥。」兩個仔已返學，細仔Avner讀學前班，大仔讀本地學校K1，周汶錡指細仔鍾意返學，但大仔初時不願上堂，但她堅持：「因為我想佢學廣東話，返到屋企都會唱啲廣東話兒歌，都叫有啲成績。」
翁嘉穗兒子獨立
同場另一個靚媽咪翁嘉穗，今年做了東華總理，之後忙搞籌款活動。大兒子鄔謨雲（Jason）不經不覺已經18歲成年，Jason向來是健力勇士，Ig不時見他操練相片，他早前在美國參加舉重比賽得冠軍，更打破兩項深蹲、硬舉世界紀錄。以往翁嘉穗會陪伴兒子出國比賽，暫時可以放鬆下，她說：「佢8月去咗美國讀大學，主修商科，舉重會keep住訓練，但之後比賽唔會跟住去，都大個仔。」
採訪：黃曉妍
攝影：陳俊強
更多精采時尚內容，盡在 http://add.appledaily.com。