曼聯周二喺歐聯以0:1輸畀祖雲達斯，全場只有三次中龍，當中一腳就係保羅普巴下半場射中柱彈出。呢位前祖記法國中場表現雖然算係較為對辦，但佢又唔識死，賽後走咗去祖記更衣室搵前隊友古達度selfie，仲笑晒口兼做埋勝利手勢，佢早前已因玩社交網問題激嬲摩連奴，唔知今次輸波同對手合照，又有冇手尾跟呢？
