鍾楚紅（紅姑）昨日現身中環，為護膚品牌主持新店開幕，紅姑之前應邀飛到韓國濟州島考察和拍宣傳片。 韓國人工美人出名多，也流行醫學美容，問紅姑有否興趣？她搖頭說：「每個人都有佢選擇自由，我唔反對，不過自己會驚，我覺得生出嚟係咁嘅樣，你就要學會接受，冇得改變，惟有勤力敷mask做多啲保養。」
中國人要低調
早前放假到法國和日本旅遊，紅姑指不少朋友在當地置業，令她變相受益：「我每次去到都係住喺唔同朋友嘅屋企，我唔使買喇，都已經得益好多。」早前法國發生多宗遊客在當地遇劫事件，紅姑不覺當地治安特別差：「因為成日去，好熟，我覺得尤其係中國人到當地旅行，應該要着得低調啲。」又指自己留法時，打扮、出入都相當平民化：「我會去博物館、酒莊、行吓公園或踩單車。」問到是否有艷遇時，紅姑說：「冇喎，我好享受自己嘅時間，唔會應酬無謂人。」
採訪：曹家誠
攝影：陳慧安
更多精采時尚內容，盡在 http://add.appledaily.com。