剛升呢陸太的苟芸慧（苟姑娘），昨日在灣仔出席護膚品活動，同場還有嘉賓王迪詩及馬詩慧。神采飛揚的苟姑娘，表現風騷，問到她是否仍然享受新婚喜悅，是否已開始習慣被別人稱呼做「陸太」，以及可有改口叫陸漢洋做老公？苟姑娘坦言：「慣咗叫『豬豬』，佢都係叫我做『豬豬』，未改到口住。」
新婚夜執垃圾
苟姑娘分享婚禮當晚發生蝦碌趣事，兩夫婦返回酒店房休息，突然收到電話，指會場仍有紙皮箱和盒等垃圾未清理，苟姑娘說：「我就敷住mask落去執垃圾。」那豈非要虛度春宵，她甜笑：「都幾浪漫同窩心，佢都有落嚟幫手。平時佢都係少爺仔，好少做呢啲嘢，之後執到凌晨4點幾，好攰，一返房上床就瞓咗喇。」
提到新婚生活，苟姑娘表示未有下廚，但就有為老公泡養生茶。至於何時往度蜜月？她指跟老公年尾都忙，所以之前到歐洲影婚紗相時，便當預支蜜月。兩人婚禮後數天再舉行派對，邀請未能出席朋友們參加。
擱置造人計劃
問到老公是否值100分？苟姑娘大讚：「101分，好細心。」對於有報道指苟姑娘收千萬家用，她聽聞便笑着回應：「唔知喎，等我check吓先，邊有呀，笑吓就算。」婚後會否有家用，她表示：「平時想買乜嘢，佢會畀張卡我買，不過我自己都有賺錢，財政獨立，亦都會投資。」婚後造人大計，苟姑娘說：「老公暫時未準備好，想過多陣二人世界先，所以我哋會互相尊重對方。」
採訪、攝影：馬建華