工聯會麥美娟Alice再添一項成功爭取嘅政績！
是咁的，Alice靈光一閃，為市民向警方反映申請舞龍舞獅手續繁複嘅問題，仲話驚對龍獅運動有負面標籤效應。咁啱保安局就話警方上個月做咗嘢加快批核，仲研究緊電子申請，預計2020年投入服務，真係夾埋都冇咁啱。
Alice噚日就喺立法會提出書面質詢，話市民反映申請舞獅要申請人交主辦人、每位參加者嘅身份證副本同相關文件，兼且最少要14日前申請。咁搞法，容乜易對龍獅運動呢啲國粹造成負面標籤效應，到時該當何罪﹗
咁大頂帽子扣落嚟，你估警方唔驚咩？保安局局長李家超即刻申冤話，政府無意阻礙舞獅活動嘅正當發展㗎，而且上個月開始，當局將批核權由警察牌照課擴大至各總區及警區嘅指揮官等，順手研究搞電子申請，睇進度2020年就投入服務，Alice仲馬上整埋圖講成功爭取，你話係咪好有效率呢！