彭浩翔、鄒凱光和劉翁今晚在灣仔演藝學院合作演出名為《 翔揸劉灘之潮潮的吹》的棟篤笑，他們早前在觀塘接受訪問時，彭浩翔解釋「潮潮的吹」的因由，他說：「因為會講到一啲好潮流嘅嘢，連風水都玩埋一份，我哋同電影老闆一樣，所有嘢都要搵師傅睇，咁我哋欠水，所以我哋就要潮潮的吹啦。」
三人中只有鄒凱光演出過棟篤笑，他笑言最好的分享就是不要給意見：「唔好畀特別意見，因為自己當年第一次做嘅時候聽到好多人畀意見，你反而覺得自己做唔到。」彭浩翔透露94年開始評論棟篤笑，到今次落手落腳要多得鄒凱光推動，鄒凱光笑言今次是本着「攬炒」心態去應付。
採訪：何永寧
攝影：葉君海
