中國足球隊喺上周對敍利亞嘅友誼賽，終於都識贏波，結束三場嘅入球荒。不過，中國足球依然係網民嘅抽水對象，最近連日本漫畫《Giant Killing踢狠勁》都忍唔住要抽埋一份，嚴重傷害國人感情（圖）。日漫《Giant Killing踢狠勁》，或者大家會比較認識內地同台灣譯名《逆轉監督》，早前連載劇情講述亞洲盃分組賽日本遇上中國隊。
喺漫畫入面，中國嘅教練莫雷蒂係一個同納比真人99%相似嘅角色，坐喺場邊不斷點出中國足球嘅問題，例如「中國經濟爆發性增長，但球會都係花重金買外援返嚟入波」、「雖然星級球員入波令聯賽熱鬧起嚟，但防守嘅咪又係中國球員」等，而漫畫入面中國先入一球，但被球證吹犯規在先食詐糊，最後慘負日本0:4，唔知現實中嘅國足，真係對住日本時係咪咁脆弱呢？