要數當今美職聯嘅巨星就梗係前曼聯孖寶－－伊巴謙莫域同朗尼喇，不過美職聯嘅官方網店早前就公佈咗頭25位波衫最暢銷嘅球星，朗尼就只係排第四箒，到底仲有邊三個人勁過佢呢？排第三位嘅係阿特蘭大聯嘅前鋒祖斯夫馬天尼斯，唔識佢？呢位委內瑞拉射手今季喺美職聯射入咗成30球，比次席嘅伊巴仲要多成八球，今季嘅季後賽大家都真係要睇實佢喇；第二位相信大家都唔會陌生，佢就係效力緊FC洛杉磯嘅卡路士韋拿喇，呢位前阿仙奴前鋒雖然最近懷疑向變性人模特兒發出情慾短訊，但都冇影響到波衫銷量。第一位就唔使問，梗係「美職聯之王」伊巴，佢嘅人氣無論喺歐洲定美洲都一樣咁勁，不過佢效力嘅洛杉磯銀河𠵱家成績就麻麻地，伊巴想踢季後賽就要再加把勁喇。