英超周日獨腳戲，主場愛華頓喺下半場先有英格蘭正選門神比克福特救出12碼，再喺完場前三分鐘連入兩球，以2:0擊敗水晶宮！愛華頓有安祖艾美達從巴塞隆拿加盟之後首次正選上陣，開賽初段主隊形勢佔優，但水晶宮埋門較具威脅，兩隊半場互交白卷。愛華頓喺59分鐘有右閘史密斯高文禁區內踢跌韋費特沙夏而輸12碼，幸英格蘭正選門神比克福特以腳閂出米利禾積域主射嘅12碼。大難不死嘅愛華頓，戰至完場前三分鐘由後備上陣嘅前鋒卡維特利雲頭槌頂入，領先1:0；兩分鐘後，另一後備上陣前鋒辛克杜辛單刀破網，完場前三分鐘內連入兩球，令愛華頓最終以2:0水晶宮取得三連勝。