朗尼周日梅開二度，協助華盛頓聯隊主場以3:1輕取紐約城，取得美職聯（MLS）季後賽一席位。朗尼開賽八分鐘接應盧斯安奴阿高斯達傳送後破網，為華聯先開紀錄，盧斯安奴阿高斯達則喺24分鐘禁區外射入，助球隊半場領先2:0。換邊後，紐約城力圖反撲，但未能攻破華聯大門之餘，更喺74分鐘再輸一球12碼，朗尼操刀中鵠令主隊領先至3:0。紐約城到78分鐘至由韋拿破蛋，華聯最終以3:1贏波，喺MLS五連勝及九場不敗。由於奧蘭多城以2:1戰勝哥倫布機員，華聯得以升上MLS東岸第5位，穩奪季後賽資格。另一場美職，洛杉磯銀河作客贏明尼蘇達聯3:1，仍保出線西岸季後賽機會，伊巴謙莫域亦有入球。