讀者胡小姐提供車cam片段，同網上流傳另一段車cam片，影到警方鐵馬同隱形戰車追捕可疑車輛嘅經過。原來警方東九龍交通部巡邏小隊警員，噚日凌晨兩點幾，喺太子道東富豪東方酒店對開設路障，要求司機做酒精呼氣測試，有架福士私家車冇停車，仲加速逃走，於是警察展開追截。
搜出市值$3,000毒品
網上嘅車cam片顯示，私家車去到彩虹道同衍慶街交界燈位，前面有車停燈位，一架警察鐵馬追到，私家車上一個女人手抱一袋嘢落車，同一個男人前後腳逃走，另一個男人本來都想走，但係交通警已準備落車走上去截查，佢惟有上返車，私家車趁轉燈即刻開車走，鐵馬一路追，去到爵祿街交界燈位因前車阻塞，終於逼停私家車，雙方追逐咗3公里。
胡小姐嘅車cam影到兩個警察衝去私家車喝令司機開車門，但司機拒絕，仲扭右軚企圖開車撞警察。姓梁沙展於是掹槍指向司機戒備，另一位李沙展就用警棍扑爆車窗拉開車門。後座一個女乘客趁亂靜靜雞走咗去，邊走邊望有冇俾人發現。警察喺私家車同司機身上搵到兩粒丸狀及5小包毒品，包括1.5克可卡因、3克冰毒、1.5克大麻精、兩粒「五仔」，巿值大約3千蚊，喺私家車仲搵到一把牛肉刀，最後將司機同一男乘客拘捕。
28歲姓顏司機同33歲姓盧男乘客涉嫌販毒及藏有攻擊性武器，司機另涉一項危險駕駛，𠵱家俾警方扣留調查。警方同時追緝緊逃走乘客。
爆相爆片
爆相畀$500、爆片送$1,000嘅基本獎賞外，仲會選出每周之星，每星期最高單日總點擊頭5名即刻科水$10,000，而每月15號至翌月14號期間獲得全月最高單日總點擊者，更可以成為每月盟主，額外獎賞$100,000，係$100,000！爆相爆片必須為本報獨家採用，一經刊登立即有獎！
爆相爆片WhatsApp：6383 6568
參加細則
1.爆相爆片必須由參加者拍攝。
2.若本報發現任何造假情況，將取消其參賽資格。
3.壹傳媒集團員工及親屬不可參加。
4.本報會保留採用爆相爆片與否和獎項分配的一切權利，如有任何爭議，以本報決定為準。