颱風「山竹」上月襲港，全港滿目瘡痍，港鐵東鐵綫及馬鞍山綫等多個露天路段都有塌樹同障礙物要即時搶修同清除，服務都到受阻延。
除咗路軌，港鐵部份車站都受破壞，其中馬鞍山綫恆安站同石門站仲被「拆招牌」，成個港鐵標誌「消失」，有網民喺「山竹」襲港當晚曾將相片上載「香港鐵路迷討論區」facebook專頁，揶揄港鐵logo「其實只是一塊布」，質疑有冇偷工減料，亦有人惡搞將相片「修復」換成九鐵標誌。沿線其他同類車站例如大水坑站等就冇被「拆招牌」。
事隔一個月，記者最近去過恆安站同石門站，發現標誌仲未復修。港鐵話喎，事發後已即時跟進檢查，正同相關工程承辦商商討維修細節。