求驗客手記：韋拿唔認情挑變性人

曾經效力過阿仙奴嘅墨西哥前鋒卡路士韋拿最近就被指向一位變性人模特兒發情慾短訊，韋拿日前就發聲明強烈否認，話自己唔識對方咁話。事源有個叫莎蓮娜絲（Alee Salinas）嘅變性人最近向傳媒爆料，話韋拿想約佢喺墨西哥見面，不過就畀佢拒絕咗，仲話自己唔會同已婚嘅男人約會咁話，佢仲向傳媒提供咗對話嘅截圖㖭。

報道出咗街之後韋拿就嬲到彈起，即刻發聲明話自己根本就唔識對方，亦冇同佢聯絡過，話呢位變性人唔知用咩方法偽造咗呢段對話出嚟，想借佢嘅名氣博上位。不過公道啲講，其實韋拿都唔係第一次同變性人扯上關係，喺2010年佢就曾經被指同國家隊隊友沙斯度叫咗15位妓女上酒店房，當中仲有變性人㖭。