銅鑼灣書店店長林榮基三年前突然被帶返大陸扣押，事件引起全城轟動。今個星期日即將首播嘅港台劇集《獅子山下2018》第一集「定風波」就將以林榮基事件作為藍本，講述事件經過。
率先播出嘅宣傳片，就見到主角林榮基被中央安排返書店拎返有客人資料嘅電腦，以及佢喺九龍塘地鐵站外躊躇好唔好順從中央指示，令人糾結嘅一幕，相信睇完成集可以令大家對銅鑼灣書店事件再一次有深刻了解。
唔少人睇完宣傳片後，除咗欣賞港台有勇氣將林榮基故事拍出嚟，更加非常驚訝主角雄仔叔叔（阮志雄）同林榮基本人有九成相似。
如果對於香港近年來社會狀況有興趣嘅你，就記得留意喇！
（圖左：假 圖右：真）