趣趣地：摩連奴𥄫實塞國小將

塞爾維亞禮拜四晚喺歐國聯C級第4組賽事，憑住前鋒阿歷山大米祖域上、下半場各入一粒，作客以2:0擊敗黑山。不過，呢場波嘅焦點人物並非入波嘅米祖域，而係坐喺貴賓廂房內嘅曼聯領隊摩連奴。據講呢位葡萄牙籍主帥，今場係專登嚟睇塞爾維亞中堅尼高拉米連高域演出。呢位年僅20歲嘅小將今夏喺俄羅斯世界盃決賽周表現出色，喺意甲球會費倫天拿亦有上乘演出。