八方相信，全國政協副主席梁振英（圖）嘅fb係起咗慰藉廣大藍絲心靈嘅作用，因此，八方肯肯定藍絲們近排會好寂寞，事關689個fb經已唔似689個fb。大家記得今年暑假天口㷫，689個fb仲㷫，因為佢不斷借香港民族黨、香港外國記者會嚟「燃點希望」，有時仲燃埋去英國查佢UGL單嘢嘅民主黨林卓廷。到上個月中暑假完咗、政府公佈埋同FCC嘅租約，689燃點唔到FCC件事，佢都堅持燃點，燃吓英航香港機艙服務員工會總幹事吳敏兒、燃吓高鐵、掟杯案同港獨等。但到咗今個月初，689失驚無神po長者圖講農務，之後嘅po亦只係講改革開放、一帶一路等。就係FCC副主席馬凱件事搞到全城風雨，香港遭受近乎八國聯軍式圍剿時，689竟然至今粒聲唔出乜都唔燃，真係相當奇怪。