祖雲達斯球星基斯坦奴朗拿度（C朗）同涉嫌強姦案受害人Kathryn Mayorga，喺發生性行為後究竟去咗邊，將成為C朗嘅辯護證供。
英國《鏡報》早前獨家報道，34歲嘅Kathryn Mayorga喺2009年6月離開C朗喺拉斯維加斯酒店頂樓套房後，本身諗住揸車到醫院，但最終喺驚慌嘅情況下都係返咗屋企。
不過，葡萄牙報章《Correio da Manha》就刊登出C朗嘅不同版本︰「就係雙方喺發生性行為後，C朗就曾經同Kathryn Mayorga一齊返番夜店Rain繼續夜蒲，仲一齊玩咗幾粒鐘。」
C朗嘅代表律師希望能獲得Palms Hotel嘅閉路電視片段，有關消息人士就話︰「任何可以顯示到C朗同Kathryn Mayorga喺離開酒店房間後重返該夜店嘅CCTV片段，都可以支持C朗嘅講法」。不過呢個機會似乎十分渺茫，事關夜店Rain早喺2012年已經結業。