觀塘apm商場星期日晚飯時間，L2層嘅food court全場爆滿，食客鄭先生同朋友食食吓飯，突然聽到有人起哄，此起彼落嘅尖叫聲，又有細路仔嘅喊聲，鄭先生諗緊因乜事大家情緒咁高漲嘅時候，見到有個清潔姐姐攞住地拖一邊追一邊掃，就大概估到發生乜事嘞。果然，下一秒一隻老鼠就喺佢一步之內跑過。
大人細路嚇到有人企上凳，有人亂跑避開，姐姐繼續攞住地拖追打隻老鼠，另外兩個清潔姐姐加入幫手，結果其中一個姐姐好似用毛巾拍拍拍，終於拍死咗隻老鼠，旁邊另一個姐姐亦好快手，執起隻死老鼠條尾帶走。有人歡呼：「阿姐好英勇啊！」在場有人更拍手掌。
食客冇胃口
鄭先生話捉老鼠過程只係幾分鐘嘅事，佢話自己都驚睇到啲核突嘢，雖然老鼠好污糟，但作為食客唔想睇到姐姐喺佢面前殺生，場面太殘忍，結果佢都冇胃口繼續食飯。
鄭先生覺得喺大型商場出現老鼠好難接受，「話香港好多老鼠係真㗎，香港衞生好差，最近先話香港出現全球第一宗由老鼠傳人嘅戊型肝炎個案，巿民好危險！」
apm服務處回覆話，一向會協助各商戶定期進行防蟲滅鼠嘅預防性工作，星期日晚接到L2層嘅cookedDeli by city'super food court商戶通知有關事件之後，嗰晚即時安排承辦商進行詳細檢查，商戶亦都進行深層清潔消毒工作，並加強預防措施。
服務處相信今次係個別事件，會密切留意情況，提醒各商戶要加強清潔同預防措施，同埋向商戶提供積極協助，務求為顧客提供一個舒適同衞生嘅購物同埋消閒環境。
爆相爆片
爆相畀$500、爆片送$1,000嘅基本獎賞外，仲會選出每周之星，每星期最高單日總點擊頭5名即刻科水$10,000，而每月15號至翌月14號期間獲得全月最高單日總點擊者，更可以成為每月盟主，額外獎賞$100,000，係$100,000！爆相爆片必須為本報獨家採用，一經刊登立即有獎！
爆相爆片WhatsApp：6383 6568
參加細則
1.爆相爆片必須由參加者拍攝。
2.若本報發現任何造假情況，將取消其參賽資格。
3.壹傳媒集團員工及親屬不可參加。
4.本報會保留採用爆相爆片與否和獎項分配的一切權利，如有任何爭議，以本報決定為準。