拜仁慕尼黑今季戰績不似預期,有報道指,拜仁或會出手同曼聯爭奪施丹以接替尼高高華出任教練。之前一直有傳施丹被視為出任紅魔新帥嘅熱門人選,不過施丹嘅經理人日前表示施丹對於喺英國執教冇興趣。
另外,《ESPN》報道,摩納哥已決定解僱教練渣甸,阿仙奴名宿亨利勢將接任。亨利球目前係比利時國家隊教練馬天尼斯嘅副手,近日亦盛傳佢或會出任英冠阿士東維拉領隊,但摩納哥已經同亨利接觸,只要解決一啲細節問題就可以正式落實。