求驗客手記:普巴冇臂章都係領袖

求驗客手記:普巴冇臂章都係領袖

上月公開批評摩連奴嘅戰術後被褫奪副隊長資格嘅曼聯球星保羅普巴,周二喺法國國家隊嘅訓練基地接受訪問時話,自己唔需要靠隊長臂章嚟成為球場上嘅領袖,疑似對被褫奪紅魔副隊長資格作出回應。普巴被問到喺將來出任國家隊隊長嘅可能性,佢話︰「我效力法國隊唔係為咗做隊長,你唔需要成為隊長先可以出聲,領袖並唔一定係擁有隊長臂章嘅人。」佢又認為,自己係法國隊入面老鬼同後生仔嘅理想中間人:「我25歲,喺最年長同最年輕嘅兩批球員之間,咁令我可以成為大家嘅橋樑。」

不過前法國同阿仙奴中場皮利斯就告誡保羅普巴,喺曼聯應該出少句聲同專心踢波。皮利斯話:「對保羅普巴嚟講,最好嘅做法係咩都唔講,專心踢波。佢係位好出色嘅球員,如果曼聯為佢支付巨額嘅轉會費,係因為佢係位出色嘅球員。普巴同領隊嘅關係或者唔好,但佢係職業球員,佢集中精神為曼聯踢波同做好喺場上嘅本份,係非常重要嘅。」

皮利斯