效力英甲球會牛津聯的戴偉浚，近日落選了港足決選名單，未能出戰對泰國與印尼的友賽，其球會前晚卻披露他會前往荷蘭阿姆斯特丹，參與中國U21訓練營。同樣沒有入選今次大軍名單的港足入球紀錄保持者陳肇麒，即在社交網站暗寸港足新帥加利韋特。
陳肇麒在fb個人專頁分享了戴偉浚前赴荷蘭的消息，並寫上「原來佢真係好了解個球員，人哋想踢國家隊，不過唔係你嗰隊」，當中提及的「佢」料是港足主教練加利韋特。陳肇麒近日不時在fb發表對港足的感想，包括上月底曾寫上「打個電話就可以好了解個球員，出面啲屎真係特別香」！
加利韋特早前曾向外表示，與海外球員一直以電話保持聯絡，了解其情況；在港足初選名單公佈後，陳肇麒亦曾寫上「有咩特別？咪又係無比賽嘅都入選」！
顏樂楓ig鬧港奸
另外，傑志出身、今季任理文副隊長的顏樂楓亦在ig限時動態中，寫上了「無論你將來成就有幾高，我都只會叫你一聲港奸Or走狗」。時間上雖然相當脗合，但未知顏樂楓所指的「你」是誰。
記者：禤家民