實政圓桌田北辰最近睇嘢越嚟越慢，佢仲話因為自己越嚟越快。有冇搞錯，二少幾時變咗拓海？原來佢噚日去咗一個賽車電競中心嘅開幕禮，仲試玩埋個賽車遊戲，就喺遊戲世界入面，佢越嚟越快。好彩，二少唔係打人，係打機箒。
二少想推香港搞賽車就好耐㗎喇，佢話今年初香港賽車會都入咗香港奧委會，更加係時候推動賽車運動。之不過香港唔係有土地問題咩？二少就經常都話，可以用欣澳填海嘅地嚟做賽車場，順便推動埋旅遊業。再加上佢試打完機之後，直頭覺得電競加賽車有得諗呀﹗有啲人又會話打機會上癮喎，二少覺得適可而止的話，電競賽車同真實賽車係可以相輔相成。
佢仲提到，亞洲內日本、菲律賓同泰國都有賽車場，香港作為國際大都會反而冇，希望政府可以快啲搞欣澳賽車場喎！八方都明白二少嘅苦心，只係想同二少講句，政府呢條友真係唔識㗎喎。