網上流傳一張警方喺今個月2號發出嘅「要求提供司機身份詳情通知書」，內容係話一架VD96X6車輛嘅司機，因為今年8月15號喺紅磡紅樂道12號「沒有停在巴士站接載擬成乘客的人」，涉嫌違反交通規例。根據車牌紀錄，嗰架係一部九巴，而收信人係住喺葵涌嘅姓陳男車長。巴士「飛站」都會被控告？事件引起巴士司機及巿民熱烈討論。究竟乜事呢？
上唔到車 乘客拍片投訴
《蘋果》接觸過多位九巴車長及工會了解事件，綜合各方消息，事發當日早上紅樂道巴士站有私家車違例停泊，巴士無法埋站，只能停喺巴士站外邊嘅地方上落客，有乘客因為上唔到車，就將巴士飛站情況用手機拍低，再send畀警方投訴。記者聯絡到涉事姓陳車長，佢就話當時冇飛站，陳透露當日朝早10點左右，佢揸住部30X線九巴由黃埔花園去荃威花園。當時係佢第二轉車，巴士去到紅樂道巴士站時，巴士上唔夠10個人冇人撳鐘落車，而巴士站就有架私家車泊喺度頂住咗，令佢埋唔到站。所以佢就停喺巴士站外邊，但佢見巴士站冇乘客喺度，於是就打燈開車走。本來都冇事嘅，點知10日後公司就話有乘客投訴佢飛站，之後收到警方嘅通知書。
九巴僱員工會主席郭志誠同記者講，工會亦收到另一位女車長求助，嗰位女車長喺8月28日揸住部12A線九巴，同樣喺紅樂道巴士站俾乘客拍片指控佢飛站。女車長同樣面臨被起訴，今個月10號要到西九龍交通部落口供。郭志誠話嗰位女車長堅持當時根本見唔到有乘客等巴士，但巴士駛過巴士站就突然有人揮手截車。女車長已經即時急停畀乘客上車，但對方就無上車，後來就收到警方信件指有人投訴佢飛站。警方𠵱家調查緊單案，九巴發言人就話會了解事件，為車長提供適切協助，亦會配合警方調查。
爆相爆片
爆相畀$500、爆片送$1,000嘅基本獎賞外，仲會選出每周之星，每星期最高單日總點擊頭5名即刻科水$10,000，而每月15號至翌月14號期間獲得全月最高單日總點擊者，更可以成為每月盟主，額外獎賞$100,000，係$100,000！爆相爆片必須為本報獨家採用，一經刊登立即有獎！
爆相爆片WhatsApp：6383 6568
參加細則
1.爆相爆片必須由參加者拍攝。
2.若本報發現任何造假情況，將取消其參賽資格。
3.壹傳媒集團員工及親屬不可參加。
4.本報會保留採用爆相爆片與否和獎項分配的一切權利，如有任何爭議，以本報決定為準。