港鐵眾生相今次為大家介紹呢位自稱網紅嘅Ken哥，佢一身嘅打扮就好似漆黑中嘅螢火蟲咁出眾，黑白波點高帽、閃石大框黑超、大串金頸鏈，拖住一個有七彩閃燈嘅喇叭物體，胸口掛住LED牌，loop住網紅Ken哥幾隻字。上星期二（2日）夜晚7點幾，何小姐同細佬喺尖沙嘴站上荃灣綫列車，一上車已經俾Ken哥嘅造型吸引住。
落車再挑釁 大嗌「出嚟吖」
有位坐嘅Ken哥開住支無線金咪同企喺佢前面個小朋友講︰「小朋友，車廂唔可以食嘢㗎。」但小朋友冇理佢，當時車廂都幾多人，Ken哥就繼續用咪自我介紹：「我係網紅Ken哥，不如我唱首歌畀你聽。」坐喺佢隔一個位嘅青年叫佢靜啲，點知即刻撻着咗Ken哥，佢連珠炮發係咁爆粗鬧個青年：「唔X得呀，唔X講得嘢呀，X你老母……」青年應佢：「邊個叫你咁大聲呀，公眾地方呀！」
本來坐喺佢哋兩個中間嘅乘客嚇到走開咗。青年話Ken哥影響到全車人，一啲品德都冇，仲噴晒啲口水落佢度。Ken哥繼續用粗口問候佢，鬧足兩個站，去到油麻地佢落車，何小姐同細佬都喺同站落車，見到Ken哥出咗月台仲回頭呼喝青年「出嚟吖」。何小姐認為個青年有正義感，但把聲就俾Ken哥蓋過晒。
港鐵回應話冇乘客投訴過呢件事，呼籲乘客要顧己及人。港鐵附例第25條訂明，唔可以喺列車上或鐵路處所任何部份，作出對其他乘客造成滋擾或煩擾嘅行為，違例者最多罰款5,000蚊；而第26條訂明，唔可以喺鐵路處所任何部份，唱歌或跳舞或演奏樂器，違例者最多罰款2,000蚊。
爆相爆片
#MeToo個個都要爆，但係唔一定要舉牌！只要你肯爆，無論好事、壞事、憤怒事，正嘢、衰嘢、古怪嘢，影低佢，《蘋果》幫你爆，更設爆相爆片大獎賞，除咗爆相畀$500、爆片送$1,000嘅基本獎賞外，仲會選出每周之星，每星期最高單日總點擊頭5名即刻科水$10,000，而每月15號至翌月14號期間獲得全月最高單日總點擊者，更可以成為每月盟主，額外獎賞$100,000，係$100,000！爆相爆片必須為本報獨家採用，一經刊登立即有獎！
爆相爆片WhatsApp：6383 6568
參加細則
1.爆相爆片必須由參加者拍攝。
2.若本報發現任何造假情況，將取消其參賽資格。
3.壹傳媒集團員工及親屬不可參加。
4.本報會保留採用爆相爆片與否和獎項分配的一切權利，如有任何爭議，以本報決定為準。