周二歐聯曼聯悶和西甲球隊華倫西亞，紅魔隊長路爾斯華倫西亞賽後竟然喺ig上，一個要求領隊摩連奴下台嘅post畀like，隨即惹嚟外界猜測，摩帥係咪已經失去一眾球員支持。引起軒然大波嘅路爾斯華倫西亞事後公開道歉，仲話自己只係睇到自己張相、冇睇清楚內容就讚好，佢係完全支持摩連奴嘅。不過實情到底係點，相信只有路爾斯華倫西亞本人先知道嘞。