香港仔發生校巴撞倒途人捲入車底意外。噚日朝早8點，52歲姓鄭司機駕駛校巴接載學童返學，校巴沿香港仔湖南街東行，左轉東勝道嗰陣，撞倒一位過馬路嘅82歲伯伯，佢下半身被捲入車底，左邊臀部被車頭左轆壓住，俯伏地下，頭部受傷流到一地血，神志尚算清醒。
讀者李先生當時經過現場，見到大批消防員同救護員已經趕到現場，救護員一邊檢查傷者嘅維生指數及傷勢，消防員就諗辦法盡快唧起校巴左前轆救出傷者，再由救護車送佢去瑪麗醫院搶救。
28名學生要轉車上學
據講，校巴上面當時有28個小學生，李先生話消防員打開太平門，逐一將車上嘅學生抱落車，等佢哋可以轉車繼續返學。警員亦喺意外現場調查，同時向司機問話了解事發時嘅情況，司機進行酒精呼氣測試，證實佢冇飲酒。
現場消息稱，事發前82歲嘅馮伯伯已經過咗一半馬路，懷疑校巴司機轉左時顧住睇右邊車頭夠唔夠位，而忽略咗左邊嘅環境，結果撞跌伯伯仲將佢捲入車底。警方初步以涉嫌危險駕駛引致他人身體受嚴重傷害拘捕司機，扣留調查，並拖走涉案嘅校巴進行檢驗，有待進一步調查。
事發時，住喺附近嘅街坊亦喺樓上單位拍攝意外經過，並通知其他人發生咗交通意外，要改道行車。有街坊話上址係小路，冇斑馬線或者行人輔助線，平時都有好多人喺嗰個位過馬路，日後都要小心啲。至於傷者馮伯伯送院搶救之後，情況危殆，希望伯伯大步檻過。
爆相爆片
爆相畀$500、爆片送$1,000嘅基本獎賞外，仲會選出每周之星，每星期最高單日總點擊頭5名即刻科水$10,000，而每月15號至翌月14號期間獲得全月最高單日總點擊者，更可以成為每月盟主，額外獎賞$100,000，係$100,000！爆相爆片必須為本報獨家採用，一經刊登立即有獎！
爆相爆片WhatsApp：6383 6568
參加細則
1.爆相爆片必須由參加者拍攝。
2.若本報發現任何造假情況，將取消其參賽資格。
3.壹傳媒集團員工及親屬不可參加。
4.本報會保留採用爆相爆片與否和獎項分配的一切權利，如有任何爭議，以本報決定為準。