趣趣地：高巴拿認殺人唔手軟

利物浦傳奇門神高巴拿喺成為足球員前，曾經做過軍人參加過70年代嘅津巴布韋內戰，佢接受訪問時仲剖析第一次殺人嘅經歷，話戰場上槍林彈雨，唔係你死就係我亡，當你開槍時，自然有人會死。至於佢自己亦唔清楚究竟殺咗幾多人，只可以話殺咗好多人，所以自己今日先可以繼續生存，對於過去殺人嘅事亦只能講聲對唔住。