周三嘅亞冠盃四強首回合賽事，鹿島鹿角喺主場大逆轉，迎戰南韓嘅水原藍翼先失兩球情況下，憑內田篤人喺補時入球以3:2反勝。水原兩分鐘憑角球省中近柱嘅內田篤人彈入白界線先開紀錄，六分鐘再由外援丹恩奴域窄位射成2:0。鹿島喺21分鐘靠烏龍球追番一球，84分鐘再憑沙真奴扳平。內田喺補時一次禁區混戰連番施射省中對手彈入奠勝。