兩個單車友前晚喺黃大仙龍翔道踩車，但就忽略咗安全，隨時害人害己。有網友喺fb「馬路的事討論區」，分享一條熱傳嘅巴士車cam片段，喺19秒嘅片段中見到一個着白色衫嘅單車友，前晚9點50分左右喺龍翔道行中線，尾隨另一架單車。單車友後面一架黑色私家車由慢線切去中線之後，單車友突然失控，車頭左右兩邊擺，連人帶車撻低，瞓喺慢線同中線之間。好彩喺慢線駛到嘅巴士及時煞車，先冇輾過自炒嘅單車友，認真險過剃頭。
網民：累人累物
分享嗰條片段嘅網民話：「極度危險，差少少冇命」，呼籲大家小心。片段尾聲見到瞓低嘅單車友亦都好快起番身，搬埋架單車行返上馬路壆邊。其他網民留言幾乎一面倒批評發生意外嘅單車友害人害己，因為佢唔單止冇戴頭盔及保護墊，亦懷疑佢冇按照法例要求，喺夜間踩單車要喺車頭同車尾安裝車燈，有網民鬧單車友：「好癡線，自己申請唔要自己條命，被撞死與人無尤！」亦都有網民鬧單車友差啲累死巴士車長，好彩巴士車長反應快及時煞車，如果意外撞死單車友，車長分分鐘無辜被控告。
根據《道路交通（交通管制）規例》，任何人不得喺黑夜時間或能見度低嘅情況下，喺道路上踩單車或三輪車，除非佢喺車頭展示一盞白燈及喺車尾展示一盞紅燈，違者最高可判罰款2,000蚊。
爆相爆片
#MeToo個個都要爆，但係唔一定要舉牌！只要你肯爆，無論好事、壞事、憤怒事，正嘢、衰嘢、古怪嘢，影低佢，《蘋果》幫你爆，更設爆相爆片大獎賞，除咗爆相畀$500、爆片送$1,000嘅基本獎賞外，仲會選出每周之星，每星期最高單日總點擊頭5名即刻科水$10,000，而每月15號至翌月14號期間獲得全月最高單日總點擊者，更可以成為每月盟主，額外獎賞$100,000，係$100,000！爆相爆片必須為本報獨家採用，一經刊登立即有獎！
爆相爆片WhatsApp：6383 6568
參加細則
1.爆相爆片必須由參加者拍攝。
2.若本報發現任何造假情況，將取消其參賽資格。
3.壹傳媒集團員工及親屬不可參加。
4.本報會保留採用爆相爆片與否和獎項分配的一切權利，如有任何爭議，以本報決定為準。