【爆相爆片】楊千嬅拍攝新劇《多功能老婆》，早前跟男主角周柏豪在中環拍煞科戲，被本報讀者何先生透過「爆相爆片」分享，並踢爆劇集結局。何先生當日下午4時許在中環畢打街，見到千嬅與柏豪拍劇，讀者逗留兩個多小時直擊結局。
何先生接受電話訪問時透露，頭大半小時是拍攝千嬅在街上迷失地遊蕩，之後柏豪才出現，他說：「千嬅隔住條馬路見到柏豪，跟住再拍千嬅過馬路，又拍咗大半個鐘，最後講佢哋相遇，兩人攬攬錫額頭，似係結局場面。」何先生補充因為星期日人多圍觀，加上要就燈位及角度，所以拍了很久，跟千嬅的演出無關。另外，何先生在現場見到千嬅同工作人員相處好融洽：「佢冇架子，同大家有傾有講，佢同柏豪都成日傾偈。」跟之前所傳千嬅遲到令到劇組不滿的情況有出入。
採訪：皓騫