王祖藍7月時宣佈太太李亞男懷孕喜訊，B女預產期在年底，不過，祖藍最近首次執導的賀歲片《你咪理，我愛你！》正式開拍，心急的他多次揚言要盡快完成手頭工作，專心陪太太待產，免得女兒出世後趕不及到醫院「剪綵」。
羅敏莊變阿四
努力工作搵奶粉錢的祖藍更為新片碌盡人情卡，邀請一班圈中好友客串演出，有逾60名藝人參與拍攝，片中將會分成多個小故事。其中一組嘉賓是陳國邦、羅敏莊和囡囡陳禛，日前一家三口在西貢一間獨立屋進行拍攝工作。
現年5歲的陳禛遺傳了父母藝術細胞，能歌善舞，出鏡絕無怯場，記對白和舞蹈場面亦相當迅速，只需讓她培養一下情緒便可正式投入拍攝。但身為人母的羅敏莊卻要變身「阿四」，羅敏莊笑說：「對阿女嚟講拍戲係冇分別，好似玩咁樣。如果佢做嘢，我哋全程照顧，做佢助手斟茶遞水，冇阿女一齊做，我哋做番專業演員，𠵱家就要兩樣兼顧係會難啲。」反而陳國邦就相當享受一家人在一起的時候，難怪陳禛特別愛錫爸爸，盛讚爸爸是家中唱歌最好聽的人。
亞男挺肚支持
該片是由舞台劇改編成歌舞電影，首次做導演的祖藍坦言拍攝遇到不少困難，他說：「難度高過正常一部戲，當動作片咁拍，時間同資源上係大挑戰，香港電影人勁嘅地方就係乜都做得到。」雖然拍戲忙碌，但懷孕中的太太李亞男卻十分支持，就算腹大便便也會到片場探班，祖藍說：「佢有好好安胎，有時返到屋企，仲會一齊唱歌同幫手。」
採訪：雷曹
攝影：陳俊強