馬來西亞歌手黃明志闊別香港3年，將於11月28日假九展舉行演唱會，他昨日在銅鑼灣出席記者會，獲薛家燕拍片支持兼挑機，邀請黃明志到紅館陪她一齊跳十字步。黃明志坦言仍未決定香港站的演出嘉賓，但會安排父母上台表演，他說：「今次巡迴每站都會帶佢哋，我諗都冇乜人試過帶自己爸爸媽媽做表演嘉賓，爸爸媽媽當年結婚honeymoon就係嚟香港，已經隔咗30幾年，今次終於有機會再嚟。」
黃明志又提到近年備受胃潰瘍困擾，身體已漸康復：「要戒食辣嘢，本身係非常鍾意食辣，但呢幾年都冇得再食。」會否邀請家燕姐睇演唱會？他說：「睇吓有冇機會啦，佢都應該好忙。」
採訪：曹家誠
攝影：沈健程