成語「推舟於陸」，係徒勞無功咁解，但發生喺現實，就變成一道奇景，讀者Peter前日朝早喺西貢碼頭玩航拍，拍攝西貢一帶美景，竟然發現賽馬會西貢滘西洲高球場附近嘅陸地出現奇怪的「大白點」，原來大白點係一艘擱淺嘅白色遊艇，仲差啲入埋樹林。
疑被狂風吹上岸
由Peter提供嘅片段發現，呢艘貌似帆船嘅遊艇估計至少30呎長，但船桅上嘅帆已經收起，艘遊艇非常新淨，船艙頂亦裝有幾塊疑似太陽能板，Peter估計隻船好可能綁喺附近海域浮標上，但兩星期前超強颱風山竹襲港時，遊艇不敵颶風整艘被吹上岸，好彩船身冇嚴重損毀，算係不幸中之大幸。就喺距離遊艇冇幾遠嘅山坡上，就見到有10幾人喺度打高爾夫球，顯示高球場運作已經恢復正常。Peter希望盡快有人將遊艇「救走」同維修，唔好浪費咗隻咁靚嘅船。
小記八過，超強颱風山竹吹襲期間，隻船應該係被吹上滘西洲高球場以北岸邊，雖然嗰度並唔屬於高球場範圍，亦冇影響高球場運作，但船主曾借用高球場嘅通道，去檢視隻船嘅損毀情況。
滘西洲高球場位處於西貢半島上，是香港唯一公眾高爾夫球場，由香港賽馬會撥款興建，座落於風景怡人、起伏不平的海岸線上。滘西洲擁有三個18洞的球場，高球員在打球時，可以與眾多動物及雀鳥如麻鷹、白鷺、蒼鷺以及赤麂等一同分享這250公頃的大自然環境。
爆相爆片
爆相畀$500、爆片送$1,000嘅基本獎賞外，仲會選出每周之星，每星期最高單日總點擊頭5名即刻科水$10,000，而每月15號至翌月14號期間獲得全月最高單日總點擊者，更可以成為每月盟主，額外獎賞$100,000，係$100,000！爆相爆片必須為本報獨家採用，一經刊登立即有獎！
爆相爆片WhatsApp：6383 6568
參加細則
1.爆相爆片必須由參加者拍攝。
2.若本報發現任何造假情況，將取消其參賽資格。
3.壹傳媒集團員工及親屬不可參加。
4.本報會保留採用爆相爆片與否和獎項分配的一切權利，如有任何爭議，以本報決定為準。