前財政司司長、人稱薯片叔叔嘅曾俊華一向主打親民形象，我哋嘅讀者梁小姐前日晏晝發現佢教完劍擊之後，街坊裝搭地鐵，但勢估唔到嘅係，連車廂內嘅外國人都認得出佢，仲握晒手有講有笑㖭！
梁小姐話當日薯片叔叔一身白Polo恤、運動褲搭地鐵，應該係教完劍擊搭地鐵返屋企，佢哋一齊由九龍塘搭去金鐘，而路程之中就有幾個外國人好似認得薯片叔叔，討論佢到底係邊個，最後成功認得出，仲主動握手yo吓佢。不過，梁小姐話周圍嘅人唔係好注意到身邊嗰個人就係曾俊華，但都有香港人「集郵」同薯片叔叔自拍，同間唔中望兩眼咁。而呢位梁小姐口中嘅外國人，其實係中文大學人類學系系主任麥高登（Gordon Mathews）。梁小姐大讚薯片叔叔真人比喺電視見到佢「好似親民啲」。