踏入第五年嘅社區盃,喺正賽前先踢兩場表演賽,打頭陣有女子青少年社區盃,由車路士足球學校(香港)(藍衫)對九龍木球會,前者喺呢場僅35分鐘嘅表演賽對住高大嘅九龍木球會,不過車路士技高一籌,全場佔優下由劉珈希、張紫晴同羅思恩各入一球大勝3:0。
之後就有傑志U13對港會U13嘅青少年社區盃,兩隊全場互有攻守,但由前港腳巴貝利執教嘅傑志始終把握力好啲,仲由馬裴梅開二度,以2:0擊敗港會。