松鼠搭港鐵順風車，好可愛呢！小記畀咗條片嘉道理農場嘅專家，證實佢係赤腹松鼠（Callosciurus erythraeus，圖），但單憑條片就唔可以肯定佢係咪野生，而松鼠大鬧港鐵站同近日打風塌樹有冇關，專家都話難以判斷喎！
根據漁護署嘅紀錄，本港係有野生松鼠嘅，而赤腹松鼠係外來物種，引入後在本土繁殖及建立族群，最後更成為本港嘅野生動物，亦係香港常見嘅品種，佢哋分佈喺大欖、城門同大埔滘等新界地區，港島大潭同薄扶林等亦有佢哋嘅蹤影。
不過，小記亦要提提大家，咪以為松鼠咁得意可以帶返屋企養，因為佢哋係受「野生動物保護條例」保護，任何人除按照特別許可證行事外，不得狩獵、故意干擾及管有或出售任何受保護野生動物，一經定罪，最高可被判罰款十萬元及監禁一年。