無官一身輕嘅前財政司司長曾俊華，噚日宣佈創立一間Startup，話要透過呢個初創企業，思考社會議題，但暫時仲有啲神秘，未見有具體內容。薯片叔叔噚日喺facebook透過短片介紹佢嘅Startup名為「Esperanza薯片叔叔共創社」，片末顯示呢個共創社嘅Social Media Partner係facebook。
薯片叔叔話Esperanza意思即係「希望」，盼帶來改變，「一個有目標，唔只係淨係為咗賺錢」。佢話想凝聚唔同地方、界別、階層、年齡同專長嘅朋友，就某啲社會議題上一齊思考，一齊建立新嘅聯繫，將香港融入世界嘅步伐，希望令人相信「我哋嘅生活可以不一樣」，就住不同嘅議題，一齊諗解決方法。