下周中將重返歐聯賽場嘅國際米蘭，開季雷聲大雨點小，教練史巴列堤今仗迎帕爾馬時刻意留力，收起前鋒莫路伊卡迪、保列坦奴同中場卡華禾艾沙姆，不過三人下半場都悉數被調入場。上半場互交白卷後，客軍左閘費達歷高迪馬高幾乎成為罪人，喺一次白界線前解圍疑似犯手球，但球證示意比賽繼續。大難不死嘅帕爾馬戰至完場前11分鐘果然有後福。費達歷高迪馬高離門30碼一記冷箭直飛網頂，呢個入波係費達歷高迪馬高職業生涯首個意甲入球，最慘仲係呢位只得20歲嘅左閘，其實係國米今季外借予帕爾馬，佢嘅入球亦助帕爾馬自1999年以來，首次作客聖西路擊敗國米。