早前正式退出荷蘭國家隊嘅史奈達，近日挑選咗合作過嘅最佳11人陣容，前線三人就分別選伊巴謙莫域、伊度奧同洛賓，就冇前國家隊隊友尹佩斯，據指早喺2008歐國盃時，RVP曾喺訓練中凶狠鏟截史奈達，雖然後者未有受傷，但就好不滿；幾日後，荷蘭喺八強不敵俄羅斯1:3出局，當中有次罰球機會，原本應由隊內死球專家史奈達處理，但尹佩斯就搶走個波射埋，當然就射失咗啦。史奈達之後接受訪問話RVP邀功，及後RVP回敬話隊內從冇規定得史奈達可射罰球。今次挑選最佳11人，史奈達被問到點解選擇伊巴，佢只係話：「因為我同佢私下關係較好。」明寸RVP唔係佢朋友。