【特約報道】人稱「詹Sir」嘅香港專業驗樓學會會長詹濟南，係香港首屈一指嘅資深驗樓師，過去10幾年已檢測單位逾10,000個，所以有「驗樓王」稱號。今次詹Sir決定衝出香港，飛去泰國檢驗當地一個熱門樓盤！
泰國樓市近年極受香港人歡迎，某啲熱門地段嘅樓盤幾乎一推出就被瘋搶！都明嘅，首期只係十零廿萬，喺香港車位首期都未必夠畀，所以好多人都會買番1、2個傍吓身搏升值。為咗令更多香港人了解當地嘅樓盤質素去到邊個level，詹sir話惟有親身驗俾大家睇！
今次詹sir檢測嘅曼谷新盤，係屬於至匯投資(FMI)旗下嘅Noble Revolve 2，詹sir一到達即刻「驗樓王」上身：「地板係用東南亞木材，所以較穩定，唔容易出現空隙、熱漲冷縮、收水離罅等情況。」
Check完地板，詹sir敲敲牆身指：「唔係空心牆嚟，而天花板亦都有個好處，呢到用咗假天花，解決咗香港樓盤常見嘅天花空府問題。門窗就單薄啲，不過泰國始終同香港唔同，香港打起風上嚟成200km風速，一定厚好多，我相信起嗰陣已經計晒數，頂得順嘅！」
一入房，詹sir更嘩出聲：「間房幾好，香港大部分睡房都冇辦法做到三邊落床！對比起大廳，睡房面積其實唔成正比，不過泰國人鍾意間房大啲，廳細啲都冇所謂，純粹個人習慣嚟。」詹sir望望吓仲發現到好嘢：「東南亞樓有一度好，木材用料靚，呢度有成條柚木，一條過冇駁口！」
驗完睡房就輪到浴室，詹sir大讚浴室磚牆夠晒實淨：「有時敲落去就知係咪空心磚，呢度用拳頭打一下就知係磚牆，基本上浴室牆身同地下嘅瓷磚都鋪得好平好企理！試埋洗手盆同坐廁去水冇問題又冇漏水，水箱仲好乾淨，搞掂！」
詹sir完成驗樓4部曲後，總括單位評分高達92分，拍得住香港3大發展商：「好多方面其實都有90分或以上，例如睡房木櫃做工好靚，冇空鼓或左彎右彎等情況，只係有少少人為嘅油漆漬。大門冇發現有崩花，廚櫃、廁所、衣櫃都做得好好，想扣分都扣唔落。地板用東南亞木材非常適合，冇罅冇凹凸之類，廁所瓷磚都冇空鼓，又平又直，連一個細窿都搵唔到，證明手工整齊企理。」
