商台DJ雲妮（Vani）半年前發現患上癌病第三期，即時向電台請假治病，休息半年後，前晚再次為其主持的節目《雲妮鍾情》開咪，Vani在節目中親述患病的經過，切除癌細胞手術長達7小時，同時多謝多位歌手及藝人朋友。
Vani說：「除咗要多謝老闆Rita，令我可以放心放下工作專心醫病，仲有好姊妹阿田（田蕊妮），我記得你陪我覆診時，我同你講，我聽日做化療，會開始甩頭髮，所以我要剃頭，你就錫咗我頭髮一啖。仲有喺電療室攬住我喊嘅倫永亮，你嘅膊頭充滿力量。」鳴謝清單十分長，當中包括車婉婉及鄭秀文，她表示群組的打氣留言，是永遠都不會刪除。另外，梁詠琪（GiGi）及楊采妮的一對寶貝孖仔都是自己治病的原動力。
撰文：李森