十月未到已經聞到陣陣南瓜除！迪士尼由即日起至10月31日舉行萬聖節「Disney Halloween Time」，經典動畫《怪誕城之夜》上映25周年，當然要搵主角阿Jack擔大旗，喺全球獨家體驗館「怪誕城之旅」入面，透過9個場景同大人細路互動打卡！阿Jack咁受歡迎，連公仔都就快賣斷市，迪士尼話節日商品生意按年升咗八成，有信心十月成績會更好。佢哋今年仲好有心思佈置門口，吸引大家入去trick or treat。不過𠵱家入園玩一日盛惠$619，想慳多啲記住買$669「雙重節日優惠」，畀你12月30日前入園兩次，玩完萬聖節再感受埋聖誕，優惠仲係港人專屬㖭㗎。