陳豪和陳智燊昨日出席馬鞍山新港城中心全新開幕，陳豪於台上分享親子關係：「原來父母真係會為咗仔女返學而搬屋，𠵱家忙住做湊仔公同咖啡生意，湊仔冇乜特別方法，最主要係珍惜同仔女相處嘅時間，幫佢沖涼，佢哋日日新鮮日日甘，不過就算攬吓錫吓都好開心。生完仔已經好開心，生咗個女之後更加冧，但我好公平，三個都咁錫唔會偏心。個女扮靚唔使我粗心，我最多幫兩個仔剪頭髮。」
陳豪為了縮短仔女返學車程，由大埔搬到港島區：「之前住大埔，佢哋喺中環返學，三個分別讀三間學校，每日走六轉，揸車非常攰，搬屋唔係錢嘅問題，時間最寶貴，𠵱家三個都好適應。」剛做爸爸的陳智燊說：「每日收工即刻返屋企或者係去買BB嘢，好開心好充實，但冇覺好瞓。」
採訪：張俊銘
攝影：林賓尼