搶買首日車票的高鐵梁伯，不是叫CY，不是fb控和發律師信癡。梁伯心直口快，形容高鐵方便包二奶，包小鮮肉。在場記者歪嘴偷笑。
但梁伯一講再講，雖然明明係事實，會被斥傷害祖國人民感情嗎？連容祖兒都大讚「形象正面」的文匯報，沒有報道梁伯的快人快語，顯然港人內地包二奶，包小鮮肉，「正面報」唔敢正面觸碰，側側膊當阿伯講錯。坐高鐵，寫包單可以包的……難講咯，阿梁伯咁大嘴巴，九月廿三，上唔上到車都成疑問。失信人張名單，有幾多香港人名字？你問林鄭，佢一定話「你諗多咗」。問陳煩，佢自然卸膊「我都係睇新聞才知」。還有氣力的話可以問吓保安局長，不過佢唔係比卡超，而且勁憎黃色，你懂的。
包二奶和包小鮮肉屬大灣區雙包制，在高鐵動感號召喚下，港客計過條縮數，來回成本太重，梁伯很難做得成KOL。冇人follow，雙包攻略得啖笑。但上訴庭會認為這是一股歪風，梁伯正在煽動富婆盲擲1.8億「上包」！喪鬧法官的吳秋北痛斥梁伯懶風趣是「縱惡」。劉公子加把嘴「搭少N次高鐵夠畀首期。」心裏暗串，十歲那年無十萬蚊現金做生日禮物的廢青，去廣州南包得乜？收皮啦！